Théo place, étudier sérieusement la parole
Frédéric Godet Étude sur la création (epub) téléchargement

Tous droits réservés
© Théo place - 2023

Matthieu 16
Commentaires bibliques

Farusei è Saducei volenu vede un miraculu

1 I Farusei è i Saducei si avvicinanu da Ghjesù è u mettenu à u provu dumandendu ch’ellu li fia vede un segnu da u celu.
2 È ellu li risponde è dice : [« a sera dite chì ellu hà da fà u bellu tempu per via ch’ellu hè rossu u celu ;
3 è a matina, dite chì ellu hà da esse tempurale chì u celu hè rossu scuru ? Sapete leghje l’aspettu di u celu, è i segni di i tempi ùn li pudete leghje ?]
4 Issa ghjente infida è gattiva cerca un segnu, ma ùn li si derà chè quellu di Ghjona. » È piglia è si ne và.

U levitu di i Farusei è di i Saducei

13 Ghjuntu da e parte di Cesarea di Filippu, Ghjesù dumanda à i discepuli : « quale saria u figliolu di l’omu, secondu a ghjente ? »
14 Quelli rispondenu : « à chì dice ch’ellu hè Ghjuvanni, à chì dice Elia, à chì dice Ghjeremia o unu di i prufeti. »
15 Ghjesù dice : « ma voi, quale dite ch’eu sò ? »
16 Simon Petru risponde :
17 « tù si u Cristu, u Figliolu di u Diu vivu. » È Ghjesù li dice : « beatu à tè, o Simò figliolu di Ghjona, chì issa cosa ùn ti l’anu micca palisata a carne è u sangue ma u mo babbu chì hè in celu.
18 Ed eu dicu ch’è tù sì Petru, è nantu à issa petra aghju da alzà a mo chjesa, è mancu e porte di l’infernu l’anu da piglià a suprana.
19 Ti aghju da dà e chjave di u regnu di i celi, è ciò ch’è tù averai ligatu nantu à a terra fermerà ligatu in i celi, è ciò ch’è tù averai scioltu nantu à a terra fermerà scioltu in i celi. »
20 È po s’arricumandò à i discepuli ch’elli ùn dicanu à nimu ch’ellu era u Cristu.

Ghjesù annunzià ch’ellu hà da more è rinvivisce

21 Da tandu Ghjesù messe à fà capì à i so discepuli ch’ellu li tuccava à andà in Ghjerusaleme, chì l’anziani di u populu, i capisacerdoti è i maestri di a Lege l’avianu da fà soffre assai è tumbà lu, ma u terzu ghjornu ch’ellu avia da risuscità.
22 Tandu Petru u pigliò da parte è messe à rimpruverà lu dicendu : « Diu ne guardi, o Signore ; mai ch’ella sia ! »
23 Ma Ghjesù si vultò è disse à Petru : « vai via, o Satanassu; sì una pastoghja per mè chì ùn ai micca in capu e cose di Diu, ma quelle di l’omi. »
24 È po Ghjesù disse à i so discepuli : « s’è unu vole vene cun mè,ch’ellu pianti di pensà à ellu stessu, ch’ellu agguanti a so croce èch’ellu mi seguiti.
25 À chì vole salvà a so vita l’hà da perde ; à chì perde a so vitaper mè a truverà.
26 S’è unu vince u mondu sanu à chì li puderà ghjuvà s’elluci perde l’anima ? O allora cùn chene l’hà da barattà, l’omu, a so anima ?
27 U Figliolu di l’Omu hà da vene in a gloria di u Babbu cù i so anghjuli.È pacarà à ognunu secondu a so manera di fà.
28 A vi dicu da veru, chì unepochi di quelli chì sò quì ùn anu da more prima di avè vistu vene u Figliolu di l’Omu in u so regnu. »

Introduction de la Les Évangiles en Corse

Chargement en cours

Chargement en cours