Théo place, étudier sérieusement la parole
William Kelly Darby tel que je l'ai connu (PDF) téléchargement

Tous droits réservés
© Théo place - 2023

Matthieu 19
Versets liés

Matrimoniu è divorziu

1 Quandu Ghjesù ebbe compiu di parlà, lasciò a Galilea è pigliò i cunfini di a Ghjudea, da Ghjurdanu in dà.
2 C’eranu e manse di a ghjente chì andavanu cun ellu, è culà, ellu guaria i malati.
3 Unepochi di Farusei u vulianu mette à u provu ; s’avvicinonu è li chersenu : « serà lecitu chì un omu si spichi da a moglia per n’importa chì mutivu ? »
4 Ghjesù rispose è disse : « ùn avete lettu chì u creatore à u principiu i fece maschju è femina’
5 è ch’ellu disse : per via di què, l’omu lascerà babbu è mamma è s’uniscerà à a moglia, è tremindui faranu una persona sola.’
6 Cusì i dui ùn sò più dui ma una persona sola. Allora chì l’omu si guardi di spiccà ciò ch’ellu hà adunitu Diu ! »
7 Li si dumandò : « è cumu hè chì Musè hà cumandatu di dà un certificatu di separazionequand’omu si spicca’ ? »
8 Ghjesù rispose : « ghjè perchè v’avete u core duru chì Musè v’hà permessu di spiccà vi da e vostre moglie ; ma à u principiu, ùn era cusì.
9 Da veru, a vi dicu : cacciatu ne u casu d’unioni for di lege, sì qualchì sia si spicca da a moglia è si ne piglia una antra, tandu face l’adulteriu. »

Matrimoniu è celibatu

10 Allora i discepuli li dissenu : « s’ella hè què a cundizione di l’omu maritatu, hè megliu à ùn marità si. »
11 Ghjesù li rispose : « Ùn lu capiscenu micca tutti st’insignamentu, ma solu quelli chì sò capaci.
12 Per ch’elli ùn piglinu moglia certi omi ci sò parechji mutivi : ci sò chì nascenu incapaci di marità si ; ci sò chì diventanu incapaci per via di l’omi chì i facenu incapaci ; è po ci sò chì anu vulsutu cusì per serve megliu a causa di u regnu di i celi. À chì pò capì ch’ellu capischi. »

Ghjesù accoglie i zitelli

13 Allora unepoche di ghjente li purtonu i so zitelli per ch’ellu li impunissi i mani è ch’ellu prichessi per elli. Ma i discepuli i liticonu.
14 Ghjesù disse : « lasceti sti zitelli, ùn l’impedite di vene ind’è mè, chì u regnu di i celi hè da i pari soi. »
15 È dopu d’avè li impostu i mani in capu, si n’andò.

Ghjesù è u giuvanottu riccu

16 Unu s’avvicinò da Ghjesù è li cherse : « Maestru, chì averaghju da fà di bonu per avè a vita eterna ? »
17 Ghjesù li disse : « chì mi dumandi di u bonu ? Bonu hè unu solu. Ma sì tù voli entre in a vita eterna, rispetta i cumandamenti. »
18 « Qualessi ? » Disse quellu. Allora Ghjesù rispose :
Ùn tumberai micca ;
ùn ferai micca adulteriu ;
ùn arrubberai micca ;
ùn ferai micca false testimunianze ;
19 rispetterai à babbitu è à mammata ;
u to prossimu, u tenerai caru quantè à tè stessu.’
20 Quellu Giovanu li disse : « tutti sti cumandamenti, l’aghju sempre rispettati. Chì mi manca dinò ? »
21 Ghjesù li rispose : « par esse propiu parfettu, piglia è vendi tuttu u toiu, dà i soldi à i povari, è buscherai un tesoru in i celi. È po veni è seguita à mè ! »
22 Sentendu què, u giuvanottu si n’andò cuntristatu, perchè avia ricchezze assai.


23 Tandu Ghjesù disse à i discepuli : « da veru, a vi dicu, un riccu serà difficiule ch’ellu entri in u regnu di i celi.
24 A vi dicu dinò, hà da entre più faciule un camellu pè una cruna d’acu chè un riccu in u Regnu di Diu. »
25 I discepuli firmonu cummossi assai da e so parolle, è dicianu : « ma allora quale si pudarà mai salvà ? »
26 Ghjesù i fighjulò è rispose : « per l’omi, hè cosa impussibule, ma per Diu hè pussibule tuttu. »
27 Allora Petru li disse : « è noi, chì avemu lasciatu tuttu per seguità ti, chì ci averà da accade ? »
28 Ghjesù disse : « a vi dicu da veru, quand’ella serà l’ora di u rinnovu d’ogni cosa, quandu u Figliolu di l’Omu pusarà nantu à u tronu gluriosu, voi chì m’avete seguitatu puserete nantu à dodeci troni per ghjudicà e dodeci tribù d’Israele.
29 È tutti quelli chì averanu lasciatu case è chjosi, fratelli, surelle, babbu è mamma, per via di u mo nome, anu da riceve centu volti di più è tuccheranu, da lascita, una vita eterna.
30 Parechji chì sò i primi seranu l’ultimi è l’ultimi seranu i primi. »

Introduction de la Les Évangiles en Corse

Verset liés

L'outil de verset lié est un instrument précieux qui ouvre des horizons nouveaux dans l'étude biblique. En reliant les versets apparentés au sein des Écritures, cet outil permet aux chercheurs et aux étudiants de la Bible d'explorer les thèmes, les concepts et les enseignements clés à travers différents livres bibliques. Grâce à la fonctionnalité de verset lié, nous pouvons établir des connexions profondes entre les passages, obtenir une compréhension contextuelle plus profonde et saisir la cohérence et la richesse des enseignements bibliques dans leur ensemble. Que ce soit pour des études personnelles, des enseignements ou des recherches plus poussées, l'outil de verset lié s'avère être un compagnon précieux qui enrichit notre exploration des vérités bibliques et renforce notre compréhension globale des Écritures saintes.